Басуларда 2014нче елгы чәчү эшләре тәмамлангач, 12нче июньдә Борай мәйданында Сабантуй бәйрәме узды. Һәр елдагыча, гимназия коллективы шушы зур чараны оештыруда читтә калмады. Укучылар тантаналы парадта катнашып, үзләренең булдыклылыкларын күрсәтсәләр, укытучылар "Тирмәле авыл"ны төзекләндерүдә катнаштылар. Безнең гимназия эшчеләре татар халкының гореф-гадәтләрен чагылдырган татар йорты төзеп, татар йортына кергән барлык кунакларны халкыбызның тәмле ризыклары белән сыйладылар. "Тирмәле авыл" бәйгесендә безнең татар йортыбыз "Халкыбызның гореф-гадәтләрне саклау" номинациясендә почет грамотасы белән бүләкләнде.